أشاد الناخب الوطني وليد الركراكي بالدور الكبير الذي يلعبه أشرف حكيمي داخل المنتخب المغربي، مؤكدا أن الظهير الأيمن لنادي باريس سان جيرمان يعد لاعبا أساسيا لا غنى عنه في التشكيلة الوطنية، سواء على المستوى الفني أو الذهني.

وقال الركراكي في مقابلة مع إذاعة “RFI” الفرنسية: “بالنسبة ليا، أشرف من الركائز اللي ما يمكنش نتخيلو المنتخب بلا بيه. كيتألق مع باريس سان جيرمان، ويقدر يكون رسمي فأي فريق فالعالم، ماشي غير حنا. داخل الملعب كيعطينا حلول كثيرة، وخارج الملعب عندو تأثير إيجابي على المجموعة”.

وفي تحليله لدوره الفني، أوضح الركراكي أن طبيعة المهام التي يكلف بها حكيمي تختلف ما بين ناديه الفرنسي والمنتخب المغربي، بحكم الفوارق في أسلوب اللعب والاختيارات التكتيكية، قائلا “طريقة اللعب ديالو مع النادي مغايرة شوية على اللي كنديرو فالمنتخب. فباريس كيعطيوه حرية أكبر باش يطلع، وكيكون قريب للهجوم، وحتى الهدف اللي سجل ضد أرسنال دليل على هاد الشي. حنا فالمقابل، كنطلبو منو يرجع ويدافع، ولكن حتى هو كيحترم هاد الأدوار، كيبقى خطير فالطلعات ديالو، وكيخلق الفارق”.

وأضاف الركراكي “المشكل اللي كيبقى عندنا هو الوقت، فالنادي كيتلاقى كل نهار مع الزملاء ديالو، أما حنا عندنا أيام معدودة باش نبنيو التفاهم. دابا كنخدمو باش يكون الانسجام بينو وبين إبراهيم دياز، واللي مزيان هو أنهم ماشي غرباء على بعضياتهم، تلاقاو من قبل فريال مدريد”.

كما شدد على تطور حكيمي في الجانب الذهني، مبرزا أنه لم يعد يقتصر فقط على السرعة والانطلاقات، بل بات أكثر نضجا ووعيا تكتيكيا، موضحا “أشرف تطور بزاف، خصوصا من ناحية التركيز والمسؤولية. الدفاع ديالو ولى حسن، والجانب الهجومي ديالو باقي حاضر وبقوة. راه من النوادر اللي كيقدر يخلق متاعب لأي فريق من الجهة ديالو. وصراحة، قليل اللاعبين اللي عندهم نفس التأثير”.

وتابع الركراكي حديثه “هو ماشي من النوع اللي فيه الهضرة بزاف، ولكن منين كيهضر، كيعرف شنو يقول ووقتاش. سبق ودار القائد فالألعاب الأولمبية، ودار خدمتو بامتياز. دابا راه عنصر محفز وكيساعد اللاعبين يبقاو مركزين.”

واستحضر الناخب الوطني تضحيات اللاعب خلال مونديال قطر 2022، حينما لعب وهو يعاني من إصابة خطيرة، لكنه اختار الاستمرار والمشاركة رغم الألم، قائلا “الناس ما عارفاش شحال عانى فالمونديال، لعب مباريات وهو مصاب، وكان يقدر يطلب يرتاح، ولكن فضل يكمل. حتى ماتش الترتيب ضد كرواتيا صمم يلعبو. هاد النوع ديال اللاعبين خاصنا نفتاخرو بيه”.

وفي ختام حديثه، هنأ الركراكي لاعبه على فوزه بجائزة “مارك فيفيان فوي 2025”، معتبرا أن سقف الطموح لا يزال مفتوحا أمامه لتحقيق إنجازات أكبر “الجائزة اللي خذاها ‘مارك فيفيان فوي’، راه جات فبلاصتها. كنتمناو نشوفوه يتوّج بالجوائز الكبيرة، الكرة الذهبية الإفريقية، وعلاش لا حتى العالمية، إلى مشى بعيد فدوري الأبطال وكأس إفريقيا، كلشي ممكن”.