تفاعلت الحكمة الدولية بشرى كربوبي، مع الجدل القائم حول التحكيم في المغرب، واحتجاجات الأندية المتتالية على الحكام.

وقالت وكربوبي خلال حلولها، يوم أمس الجمعة (23 فبراير)، ضيفة على برنامج “بدون لغة خشب”، الذي يذاع عبر أثير إذاعة ميد راديو ويبث عبر القناة الرسمية لموقع “كيفاش”، “بعض المرات كنشوفو الشارع الكروي كيتشكاو من شي لقطات اللي كيكونو بصح هفوات تحكيمية لأننا بشر كنغلطو. ولكن شي مرات الحكام كيكونو على صواب وكيجيو ناس آخرين كيحللو هادوك اللقطات بالغلط وكيخليو الاندية يشدو في قلبهم على الحكم وكيمشيو بنظرية المؤمراة وما عرت شنو واخا القرار اللي خذا الحكم فهاديك اللحظة كيكون صحيح”.

وأضافت “ضروري يكونو هفوات حنا بصح كنطيحو فيها ما غندافعش على الحكام ولكن را حتى حنا بشر. وتقنية الفار جات باش تقلل من هامش الخطأ وربما هاديك الاخطاء الكبيرة ما بقاتش وما غتبقاش”.

وتابعت “يلا جا الحكم يدير الخاطر للجماهير ما غادي يصفر ما غادي يدير حتى حاجة حيت كل فرقة عندها جمهورها، الحكم هو الشخصية ديالو وهاديك المباراة كتكون أمانة عندو من عند الله خاصو يحكم بالعدل، والحكم كيكون فالماتش باش فرقة ما تظلم فرقة، ويحمي السلامة الجسدية ديال اللاعبين بداك الشي اللي قدر عليه”.

وأشارت كربوبي إلى أن “الحاجة اللي ما كيشوفهاش حكم الساحة، را كاين الفار اللي حتى هو موراه ناس اللي هما حكام”.

وختمت حديثها بالقول “بصح كاين حالات اللي نقدرو نحسمو فيهم كحكام، ولكن كاين حالات اللي ما نقدروش نتفاهمو عليهم وما عمرنا نحسمو الجدل عليهم”.