وئام نبيل – صحافية متدربة

صرح سعيد حسبان، الرئيس السابق لفريق الرجاء الرياضي، عن موقفه الواضح حول الوضعية الحالية للنادي، مؤكداً أن الفريق يحتاج إلى حلول جذرية وليس مجرد حل ترقيعي  للمساهمة في حل الأزمة المالية والإدارية.

وعبر حسبان في تصريحات خاصة لموقع “ميد راديو” حول الوضع الذي يمر به الفريق الأخضر، اوضح فيها بعض التفاصيل والحلول الممكنة له في المستقبل.

وقال سعيد حسبان: “أنا جبت للرجاء مسشهر بقيمة 15 مليار من نادي روما مدته 3 سنوات، لي غادي يساهم  في حل الأزمة المالية لي كيمر بها الفريق، المشروع حقيقي وواقعي،وغادي يكون بشكل رسمي  فقط خلال الجمع العام وعند تولي الرئاسة  .”

وانتقد حسبان موقف عبد الله بيرواين الذي تولى الرئاسة وقال: “أنا بالنسبة ليا بيرواين ماشي رئيس، واش 6 أو 8 ديال الناس غادي يتخذو قرارات ويراهنو بمصير فريق كبير بحجم الرجاء؟  إلا كان عندهم مشروع حقيقي، يقدموه أمام المنخرطين وياخذو منهم السند بشكل قانوني ومتجيبش ليا أشخاص منهم اللي قدم الاستقالة واللي مازال وتقول لينا أنا غادي نكمل المهمة لآخر السنة “.

وأضاف المتحدث ذاته لميد راديو :”الرجاء مبقاتش قابلة للحلول الترقيعية، حنا ما عينا حتى واحد للرئاسة، هذا سميتو التحايل على القانون من اجل تحقيق الأهداف الشخصية، وهاد الأمر غير مقبول”.

وشدد حسبان:” الأمر متعلق بفريق عريق، ماشي باش نجلس فالكرسي وغدا تعلق الصورة ديالي فلوازيس، خذ السند من عند المنخرطين حط المشروع  وقوليهم أنا مستعد لتولي الرئاسة”.

 وأضاف في السياق ذاته:” الرئيس السابق قبل ما يمشي، توصلنا باستدعاءات الجمع العام لي  فيها المكان والزمان”.

وعبر قائلا :”كنتو كتقولو بلي هاد الرئيس كان مهمشنا وحنا باغين نخدمو، يعني قبل ما كانتش عندكم الجرأة باش ضربو الطبلة وتقولو ليه كتخربق”.

وتحدث سعيد حسبان عن الخطط المستقبلية لتطوير النادي، مشيرا إلى أن لديه مشروعًا يهدف إلى تقليل تكلفة الانخراط وجعل الجمهور أقرب من الفريق.

 وأضاف: “حنا بغينا نقدمو لجمهور الرجاء الفرصة للمشاركة الفعالة في حياة الفريق، ماشي  يكون مجرد مشجع، الانخراط خاص يكون في حدود 2000 إلى 5000 درهم، الشيء اللي غادي يمكن الجمهور من تحمل المسؤولية والمساهمة في تطور النادي.”

 وقال :”انا مكنجيش نترشح من اجل الترشح دوزت الرئاسة وكنعرف القيمة ديال الكرسي وانا ولد الراجا وكبرت ولعبت فالراجا، وعمري ما جيت  فالظروف لي مزيانة كنجي أكثر فاش كتكون فرقتي محتاجاني”.

وعن إمكانية ترشح بلقشور لرئاسة النادي، قال حسبان: “هو صديق ديالي وعندي ليه كل الاحترام، طبعا الى كانت عندو نية للترشح خاص يعلن عليها، وميكونش عندنا انفصام الشخصية كرجاويين قبل كنا كنحاسبو الوداد الرياضي على ازدواجية المهام مع الرئيس السابق سعيد الناصيري”.

وفيما يخص حملات التبرع التي تُنظم حاليًا لتغطية الأزمة المالية للنادي، أعرب حسبان عن موقفه قائلاً: “صراحة، هاد الحملات كتشوه سمعة الفريق، إيلا كانت غادي تعاون في حل الأزمة بشكل حقيقي، فلن يتردد أي شخص في المساهمة، ولكن إذا كانت هاد الحلول غادي تعالج الأزمات غير مؤقتًا وترجعنا لنفس النقطة في المستقبل، فأنا كنفضل الحفاظ على قيمة اسم الرجاء وجمهوره.”